الإعلامية لميس الحديدي قامت بـ طمأنت الجمهور على الحالة الصحية لزوجها الإعلامي عمرو دياب، وهذا بعد أن تعرض إلى حادث مروري في الساعات الأولى من صباح يوم الأربعاء الماضي، وتم نقله بعدها إلى مستشفى دار الفؤاد لعمل الفحوصات اللازمة.
لميس الحديدي تطمئن الجمهور على الحالة الصحية لزوجها الإعلامي عمرو أديب
أكدت لميس الحديدي من خلال برنامجها “كلمة أخيرة” والذي يبث على قناة أون اليوم السبت قائلة “عاوزة أتكلم في موضوع مالوش علاقة بالشغل، عايزة أطمن كل الناس اللي بتسأل على عمرو بعد الحادثة الصعبة التي تعرض لها صباح الأربعاء الماضي، أنه الحمد لله بخير بشكل عام ربنا نجاه بأعجوبة الحقيقة لأن العربية اللي خبط فيها واللي وقفت فجأة، كانت محملة بأنابيب بوتاجاز فكان ممكن تنفجر في أي لحظة”.
واستكملت قائلة “الدكاترة طمنونا على حالته عموماً، لكن هو لسه بيعاني من آلام مبرحة غالبا من الكدمات والرضوض نتوقع أنها تاخد بعض الوقت، وإن شاء الله يحاول يرجع لجمهوره قريبا بإذن الله، لكن هو محتاج يستريح شوية علشان يقدر يرجع تاني، وأنا طبعا مكنتش هقدر أنزل الشغل أو أكون معاكم إلا وأنا مطمنة عليه أنه بيتماثل للشفاء، وأن حالته تسمح أني أسيبه بعض الوقت، لأن في مثل هذه الأحداث دوري كزوجة بييجي قبل دوري كإعلامية”.
وقامت بتوجيه الشكر إلى الجمهور وجميع المسئولين في الدولة وقالت “عاوزة أشكر كل الناس اللي سألوا علينا وعليه من أصغر حد لأكبر حد، من الجمهور البسيط اللي كان بيبعتلي رسائل ودعوات وشمع في الكنائس، لأكبر مسؤولين في البلد بشكرهم جميعاً، زملائنا الإعلاميين، الفنانين من كل الوطن العربية، الدكاترة اللي كانوا بيكلموني، مستشفى دار الفؤاد اللي أنقذت عمرو في اللحظات الأولى، ألفا سكان اللي دايما في ضهرنا، وطبعا أصدقائي وأصدقاء عمرو اللي ماسابونيش لحظة واحدة، باعتذار أني مكنتش بارد على الاتصالات، لكن ممتنين جدا لاهتمامهم، وحبهم اللي حسينا بيه”.